ال ايه الغش حرااااااام!!

بسم الله الرحمن الرحيم

اشهد ربى انى احبكم فى الله ولم اكتب ذلك الموضوع من فراغ بل من واقع الحياه التى نعيشها وهذه بعض الصور التى تحدث

ال ايه الغش حرام وده تبادل ثقافات ده ربنا قال تعاونوا على البر والتقوى يعنى عايزنى اشوف واحد فى كربه ومساعدهوش يا سيدى حرام عليك شكلك متعرفش شئ فى الدين

ال ايه الغش حرام طيب ماشى يا سيدى بلاش اغش بس من فضلك متقولش غش ده تعاون وانا بعمل برشام يعنى ورق محندق صغير ساعة لما اعوزه اطلعها دى اجابتى جايبها معايا من بيتى كمان هتتحكموا فى طريقة اجاباتى واطلع من الامتحان الاتى

ال ايه الغش حرام انا بقى استغفر الله ولا بغش ولا ببرشم انا بعمل طريقه من غير هش ونش واوعى تقولى مش انا بكتب على ايدى وممكن على مسطرتى وممكن على استيكتى يعنى حاجه دليفرى والله ده مش غش اوعى تقولى مش دى تذكره للاجابه من غير ما الجاء للبطاطا

ال ايه الغش حرام اسمع هس بس احنا بنساعد بعضنا على الخير بنقوى نفسنا وبنتخلص من الانانيه اللى بتضمنا اوعى واياك تقول الغش حرام ده يبقى اتهام وعاوز تشن علينا العدوان وانا مالى يا خويا ده رئيس اللجنه وشا يف وسايبنى اغش يعنى ما يبقاش غش ولو اتزنقت ومش شايف يساعدنى البيه الكريم المراقب اوعى واياك تقول الغش حرام

ال ايه الغش حرام طيب ده حصلى موقف شهامه وصدقنى موقف جدعنه واصاله قبل كده مغشتش لقيت المراقب جايبلى الاجابه لحد عندى تصدق ساعتها علىّ فى نظرى وقولت دى اللجنه فيها الخير

ال ايه الغش حرام وبعيد عنك وانا قاعد لقيت واحد موجود ويبص بعينه مخنوق اعوذ بالله الصنف ده يبقى حقود ابعدهم عنا يارب ولا عاوز يغش ولا عاوزنى اغش شوف يا اخى الانسان اد ايه حسود طيب ده رزق وجالى معقول اقول وانا مالى

ال ايه الغش حرام واحد من الصنف الحسود وقف وكمان بيقول اتقوا الله يا مراقبين فين عزة الدين وكمان ما شى محموق اكيد ده انسان حقود ال ايه الغش حرام اياك واوعى تقول كلام مش مفهوم ال ايه الغش حرام

احبائى فى الله ليس كل الطلاب بيغشوا وليس كل المراقبين لا يتقوا الله والمصيبه انهم بيحسبوا انهم بيعملوا حاجه لله اتمنى اسمع ارائكم وتجاربكم اذا كنتم بتغشوا او لاء وما هو موقفنا عندما نرى شخص بيغش وهل هو نقص فى اليقين فى الله والتوكل شاركونى بأرائكم

اولا: جزاكي الله خيرا علي الموضوع
ثانيا: هو الغش اصلا محرم في الدين قال رسول الله صلي الله عليه وسلم " من غشنا فليس منا"
وكمان الغش عاده مرفوضه اخلاقيا واجتماعيا ،،،وجزاكي الله خيرا

و بعد كل دة قال ايه الغش حرام؟؟؟؟؟
شكرا با باشمهندسة ع الموضوع الجميل دة

ههههههههههههههههههههه

موضوع جامد جداا

ال اية الغش حرام