ومع انى مفطرتش وجعان

إقلع غماك يا تور وارفض تلف

إكسر تروس الساقية و اشتم وتف

قال : بس خطوة كمان .. وخطوة كمان

يا اوصل نهاية السكة يا البير تجف

عجبي !!!

يا حزين يا قمقم تحت بحر الضياع

حزين أنا زيك و إيه مستطاع

الحزن ما بقالهوش جلال يا جدع

الحزن زي البرد ... زي الصداع

عجبي !!!!

في يوم صحيت شاعر براحة و صفا

الهم زال و الحزن راح و اختفي

خدني العجب و سألت روحي سؤال

أنا مت ؟ و لا وصلت للفلسفة

عجبي !!!

الفيلسوف قاعد يفكر سيبوه

لا تعملوه سلطان و لا تصلبوه

ما تعرفوش إن الفلاسفه يا هوه

اللي يقولوه بيرجعوا يكدبوه

عجبي !!!

يا عندليب متخافش من غنوتك

قول شكوتك وأحكى عن بلوتك

الغنوة مش هتموتك إنما

كتم الغنا هو اللى هيموتك

وعجبي !!

أوصيك يا بني بالقمر والزهور

أوصيك بليل القاهرة المسحور

وإن جيت فى بالك أشترى عقد فل

لأى سمرا وقبري أوعاك تزور

وعجبي !!

ما اناتش بتلعب ليه يا روح بابا؟

ولا عسكري ولا لص في عصابـــــة

إلعب أسد أو ديب رهيب أو غزال

دي الدنيا في نهاية المطاف غابـــة

عجبي!!

سنوات وفايته عليا فوج بعد فوج
واحدة خدتني ابن والتانية زوج
والتالتة أب خدتني .. والرابعة ايه
ايه يعمل اللي بيحدفه موج لموج
عجبي!!

مرسى عالكلام الجميل دة

بس انا ليه استفسار ممكن ساعتها تقول عليه جهله بس مشيها

ايه حكايه عجبى دى؟؟؟؟؟؟!!!!!!!!

مش هقول جاهلة ولا حاجة بس عجبي دي لازمة كان بيكتبها صلاح جاهين فى أخر كل رباعية من رباعياته - سابقة النشر -

اوك

ومرسى على ردك على سؤالى

عدد الرسائل : 3 العمر : 35 تاريخ التسجيل : 04/08/2007

انا لسه مسجله على المنتدى جديد
وبصراحه الموضوع روعه
اشعار فعلا جميله جدا
مشكور عليها

اهلا وسهلا بيكى يا بشمهندسه معانا

ويارب المنتدى يعجبك

الاشعار فعلا جميلة بس الشكر للمبدع الراحل صلاح جاهين
واهلا بيكي معانا فى المنتدي مستنين جديدك دايما